مجلة عشاق الشعر الإلكترونية. .ممدوح حنفي
لسه صبى
وان قلبى
اذكى من كل القلوب
مهوش غبى
وانه اخضر بالقوى
صغير قوى
شفاف قوى
نسمة حنان تفوت عليه
تحركه
لحظة أسيه لو صادفها
تفركه
هو دا قلبى انا
بينه وبين الحزن تار
عاشق لأيام الهنا
ساعة ماحس انك سعيد
ضرب جناحه فى الضلوع
عايز يطير فوق فى السما
من غير رجوع
رافع ايديه
فيها علم
مكتوب عليه
مفيش الم
وﻻفيش ندم
انسى اللى فات
من عمر كان كله سكات
ودموع تسيل
من عيون الذكريات
افتح شبابيك اﻷمانى
كلها
افرد ايديك ارمى الهموم
فى حجرها
ما خﻻص بقى
مات العذاب
مات الشقى
لما لمحت ضحكتك
فوق شفتك
والغمازات اللى ف خدودك
شفتها مع بسمتك
ساعتها حسيت ان انا
حبيبك قوى
ولقيتنى حبيت الحياه
ولقيتنى حبيت الحياه قوى
لما لمحت ضحكتك
فوق شفتك
والغمازات اللى ف خدودك
شفتهم مع بسمتك
ساعتها حسيت ان انا
قوى قوى
ساحة النقاش