مجلة عشـــاق الشعـــر الإلكترونية (ممدوح حنفي)
{لحظة ندم}
ورجعت تاني بعد الفراق.
والدمع ساكن ع خدك.
وبتشكي حالك للعشاق.
والحزن طول الليل هدك.
بتقول حنين بتقول اشتياق.
مش لاقي حد واقف جمبك.
قلبك من نار البعد داق.
راجع ندمان ع ال حبك.
بداري دمعك جوا عنيك.
وقلبك يوميا بيموت.
حزن وخوف باين عليك.
عامل قدام الناس مبسوط.
بعت القلب ال كان شاريك.
وف الندم عمرك بيفوت.
جاي وبتطلب السماح.
دلوقتي حسيت بالندم.
صعب عليا انسي ال راح.
يوم ما قلبك باعني وظلم.
لو كنت انت نسيت الجراح.
انا عمري ما نسيت الآلم.
إرجع تاني مكان ما جيت.
وبلاش تزود نار أحزاني.
من يوم ما جرحتني ومشيت.
وانا عايش تايه ف مكاني.
عدا العمر خلاص ونسيت.
وانا طالب منك تنساني.
ساحة النقاش