مجلة عشـــاق الشعـــر الإلكترونية (ممدوح حنفي)
فى حب مصر
---------- انا الرحال -------
أنا الرحال فى حبك يا بلدى
عبرت سكوتى ويا الخوف
ورحت اطوف
اشوف الحب فى عيونك
لقيت الدفى مواويلك
عل لسانى بغنيلك
يا ارض الخير بناديلك
انا الرحال
انا الرحال سنين داير قى ارض الله
بلف بلاد
بعدى بحار واخطى جبال
وصورتك عايشة فى خيالى
بعيش وياكى احلامى
سنين الغربة هدتنى ما خلتنى
اشوف الفرحة فى عيونى
يخدنى حنينى واشتقلك
واجع تانى اندهلك
واضحى بروحى من اجلك
واعيش واموت على ارضك
واشوف الفرحة فى عيونك
القى الدفى مواويلك
على لسانى بغنيلك
يا ارض الخير بناديلك
انا الرحال
انا الرحال وقلت كفاية يا الغربة
حا اعيش رحال على ارضك
احس بقيمتى واتقدر
وامشى فيكى واتغندر
وارفع راسى واتمنظر
واربى ولادى واكبر
وازرع فيكى واخضر
وأشيد فيكى واعمر
واشوف الفرحة فى عيونك
القى الدفى مواويلك
على لسانى بغنيلك
يا ارض الخير بناديلك
انا الرحال
***************
أشعار \
علاء حشيش
ساحة النقاش