الحرية للشعراء : بقلم / عبدالله السعيد

مجلة عشـــاق الشعـــر الإلكترونية (ممدوح حنفي)

لَمَّا تِقْرأ مِنِّىِ قافيِة
شِعْر شوف القَصْد إيه
واوْعا للمَكتوب تِهاجِم
قبْل مَ تراجِعْنِىِ فِيِه
يمْكِن اقْصُد حاجَه تانيَه
تنافِىِ تَفْسيرَك يا بِيِه
أْيوا من حَقَّك تِفَنِّد
قولِىِ مهْماً كُنْت مِيِن
بَسّ من غير عيبَه تِجْعَل
رَدِّى قاسِىِ أو طِخين
كُلِّنا عَ الفيس بنُطْلُب
نِرْضِىِ رَبّ العالمين
بالكِتابَه الهادفَه لجْل
الكُلّ يقْرا ويسْتَفيد
فيه بيُنْشُر شيئ مُكَرَّر
فيه بيُنْشُر شيئ جِديد
لجْل مَ القارِئ يحِسّ
بإنُّه بالمَنْشور سَعيد
قُوُم يرُدّ عليَّا واحِد
عَلَّق امْبارِح وقال
هُوَّا فيه شاعِر يعَبَّر
عن أحاسيس الحَريم ؟؟
أيْوا يابن الناس دا شاعِر
يَعْنِىِ بيْحِسّ ب آلام
كُلّه حتَّى الطير فِ عِشُّه
انْ كان مِجرَّح اوْ سَليم
طَبْ هاقول لَك حاجَه أعْجَب 
من كِدَا ف دُنْيا الشُعور
والكِتابَه فِ المَشاعِر 
مَرَّه شاعِر كان جَسُور
مُش بيكْتِب عن مَشاعِر
إنْس أو حِسَ الطُيور
لأ ... دا كان كاتِب قَصيدَه
ف دُودَه لجل الجو نار
قالت ارحم نفسى وابلع
ريقى حبه ف ظل سُور
داسها طِفْل وهُوَّا ماشى
بدُون ما يعْرَف مين تِكُوُن
والدُودادِىِ ليها قِصَّه
تعَلِّم الإنْسان دُرُوس
بقلم / عبدالله السعيد