مجلة عشـــاق الشعـــر الإلكترونية (ممدوح حنفي)
(تعرف تجاوب)
الواد فى الامتحان
جاوب كما الصاروخ
اين تقع البلدان
دشنا واشمون وطوخ
رد بجواب فنان
ورفع راسو بشموخ
ولقيته تانى يوم
بيبكيلى على الباب
قلت ياعيب الشوم
ايه يا واد اﻻسباب
قاللى امتحان مشؤم
فى مادة الحساب
قعدت طول اليوم
ومش عارف جواب
قلت قوللى السؤال
وانا اجاوبك فى الحال
طول عمرى ف الحساب
فارس قوى وخيال
بس قوللى قوام
فين هو السؤال
قاللى السؤال الاول
ما مر يوم ع العين
اوجدلى حاصل ضرب
مصرى × المصريين
مرديتشى وﻻ نطقتش
جيت ارد و معرفتش
ممكن اقولو ايه
اتارى الواد ضرب الجرس
واللسان طاب م الخرس
وقلت ﻻزم ارد عليه
حاصل ضرب مصرى×المصريين
يساوى كتيييييير
يساوى غابه بريه
قانونها اصم
يساوى زرعه مرويه
بترعة دم
يساوى دمعه ما بتنشف
فى عين اﻻم
يساوى يتيم من صغره
يشيل الهم
يساوى بنت دلوعه
دلعها فات
وصرخة ام موجوعه
ضناها مات
واب ايده مرفوعه
لرب الكون
كل اللى باقى من ابنه
يادوب شوية ذكريات
قاللى السؤال التانى
لقيت قلبى بيعانى
اوجد ناتج
مجموع دم الشهيد
مقسوم ع اﻻمهات
مضروب ×دمعة عين
مطروح م اﻻمنيات
تبقى النتيجه كاااااااام
اما السؤال التالت
اختار اجابه صحيحه
من بين تلت اجابات
قدامك واضحه صريحه
اختار سبب للموت
م اﻻجابات المذكوره
تموت بعلو الصوت
واللا فى ماتش كوره
واللا تقضيها سكوت
يمكن تجيلك غوره
انا مش عارف اجابه
دى قسوه جوه قلوبنا
واللا جهل وطيابه
احنا بنقول الحق
وللا احنا وﻻد كدابه
ساحة النقاش