مجلة عشـــاق الشعـــر الإلكترونية (ممدوح حنفي)
____ صدقت نفسك _____
بقلم : محمد السعيد
***********************
صدقت نفسك إنك شاريني
فين دليلك بقى وريني
اقولك ع اللي بينك وبيني
اكبر وهم ومش اكتر
*************
صدقت نفسك إنك عاشق
كبيره عليك وانت الصادق
عمري ماكنت لقلبك فارق
ومن إمتى بتقدر
**************
انا اللي في قلبي على لساني
كلامي واحد مش شئ تاني
عامل برئ وانت الجاني
مش بتأثر فيا دموعك
***************
صدقت نفسك إني هرضى
واقولك احنا ولاد النهارده
صدقني كل حاجه وارده
الا إني أقبل رجوعك
****************
ساحة النقاش