(التعلب المكار) ... بقلم : محمود ناصر

مجلة عشـــاق الشعـــر الإلكترونية (ممدوح حنفي)

(التعلب المكار)

ماتيجى انا وانت نتعاهد
نصفى قلوبنا نمضى قرار
كتفى بكتفك ايدى بإيدك
نبنى جدار
يصد البرد يصد الريح
واى غبار
يحمى الكتاكيت يبعد عنهم
تعلب مكار
راقد فى الخن وف ايده
جمره من نار
مستنى انا وانت نتباعد
يقلبها دمار
ويوماتى يحدف ف عقولنا
من غدره شرار
ينفخ فيه ويتمنى
يﻻقيه نار
ماهو اصﻻ اصﻻ عارفينه
تعلب مكار
يضحكلك مره ويقولك
محمود غدار
يضحكلى بعدك ويقولى
عليك غدار
واما انا وانت نتﻻقى
يقلبها هزار
ماهو اصﻻ اصﻻ عارفينه
تعلب مكار
الفرصه لسه قدامنا
انا وانت اكيد
بإيدينا نخلى ايامنا
وليالينا عيد
لو حاﻻ ممكن نتعاهد
نصفى قلوبنا ونمضى قرار
كتفى بكتفك ايدى بايدك
نبنى جدار
يحمى بلدنا يحمى وﻻدنا
م اﻻخطار
نرجع تانى انا وانت اخوات
ويموت م الغيظ
تعلب مكار
@@@@@@@@@@@@@@@@@@@
محمود ناصر