مجلة عشـــاق الشعـــر الإلكترونية (ممدوح حنفي)
بَحِـبـِك حب مش عادى ...!
***
من كلمات
**
الطبيب الشاعر المصرى/ د.محمد رزق
*
*
بَحِـبـِك حب مش عادى
بَحِـبـِك حب مش موصوف
بَحِـبـِك ورد أعيادى
وحاجـِز م الألم والخوف
بَحِـبـِك نهر يروينى
ونـور عينى اللى بيكى تشوف
بكل الحب حِـبـِّـينى
وفى القلب اعملى المعروف
*
بَحِـبـِك روحِـك الحلوة
بَحِـبـِك نـبعِـك الصافى
بَحِـبـِك بِـسمِـتِـك غِـنوة
تِـحَـنـِّـن قـلب مِـجـدافى
وفـوق شـَـطـِّـك تِـرَسِّـينى
أطـَمـِّـن بَـحرك الملهوف
بكل الحب حِـبـِّـينى
وفى القلب اعملى المعروف
*
بَحِـبـِك فجــر أحلامى
بَحِـبـِك نور فى ليلى يبان
وشمس تـدَّفـِّـى أيـامى
وفـَـرح يـغـَـيـَّـر الأحزان
وضِـلاَّيَـة على جـبـينى
تِـدارى الـدمع لـو مكشــوف
بكل الحب حِـبـِّـينى
وفى القلب اعملى المعروف
*
بَحِـبـِك حب كان غايب
وتايه عن فؤادى سنين
وحُـبـِّـك سهم كان صايـِـب
وخَـدنى لسِـكـِّـة العاشـقـين
حنان قلبك يـِكـَـفـِّـينى
وادينى باقولها مش مكسوف
بكل الحب حِـبـِّـينى
وفى القلب اعملى المعروف
*
رَقيقـَـة رِقـِّـتِـك بَـلسَـم
وقلبك بالأمل شَـفـَّـاف
بَحِـبـِك ربــنا يـعـلــم
بدون مااعرَف ، بدون أهداف ..
ياريت العمر يكفينى
واعيش العمر بيكى ألوف
بكل الحب حِـبـِّـينى
وفى القلب اعملى المعروف
*
بَـحِـبك والأمَـل باقى
بـيـزرع وَرد فى الـُبـسـتان
ويـتـعَـطـَّـر بأشواقى
يحَـنــِّى الفجـر لما يـبان
ويـبـعَـتـلِـك تِـضـُمينى
نـدوب قـبل الـعـيون ماتشـوف
بكل الحب حِـبــِّيـنى
وفى القلب اعملى المعروف
*
فى أوقات الألم الشديد ، يكون الحب هو الملاذ والخلاص ؛
فأحبوا أيها الأحبة قدرما تستطيعون ،
حتى تمتلئ قلوبكم بالحب ، والحب فقط ،
ولا يجد الكره والحقد والشر مكاناً فى جميع القلوب ،
وقتها سنعرف معنى السعادة ، وتختفى التعاسة ، وينتهى الألم .
*
تقديرى والمحبة لقلوب الأحبة ..
الطبيب الشاعر المصرى/ د.محمد رزق
*
ساحة النقاش