مجلة عشـــاق الشعـــر الإلكترونية (ممدوح حنفي)
وتــوتــة تــوتــة ( أغـنــيــة )
================
يادنيا قومى قوليلى مالك
ايه بس غير احوالك
دا الكل مبسوط بيغنى
وكله ماشى على جنانك
يادنيا خليكى صريحه
زى الصابون من غير ريحه
بطلت شغل المرجيحة
وبقيت على الدنيا بغنى
يادنيا هزى كمان هزى
خلينى ارقص لك وسطى
ما انا اصلى بطلت اعزى
والفرح اصله من النسيان
سيبينى افوق قبل مااروح
ده انا ماشى فيكى وبااطوح
فرحان وبرضه باتسوح
ووقعت فى بير الحرمان
مابقيتش عارف عنوانى
ولا لاقى صاحبى وخلانى
وكل يوم فيكى يادنيا
ارجع وبرضه بتنسانى
باعشق كتير الفبريكا
وارقص على طبلة وسيكا
رجعنى زمن الانتيكا
م اللى حصلك وحصلى
بقيت اقول آه يادماغى
وادعى ع اللى جاب داغى
ما انا مالى وقتى وفراغى
والحزن شيلته فى عينيا
وقلت توتة .. توتة توتة
خلصت نهاية الحدوتة
والكل ملفوف بالفوطة
وبرضه واقف بيغنى
.......................................
ايمن يوسف احمد يوسف
مصر - بورسعيد
ساحة النقاش