مجلة عشاق الشعر الإلكترونية. .ممدوح حنفي
حكى الزمان
عن البطل وقال
على أرض سيناء
هزمنا المحال
أسطورة بارليف
على شط القنال
حطمها ربى بقدرته
وعزيمة الرجال
كان حلم بعيد
ووصف يفوق الخيال
بلدنا كانت مجروحه
والحرب سيجال
قال البطل
وحكى لى
أجمل كلام يتقال
يوم العبور يا ولدى
كانت زياده علينا الأحمال
صعدنا لبرليف بمدافعنا
وحموله مثل الجمال
والله ما يقدر عليها صنديد
ولا بطل من الأبطال
الله أكبر هتفنا بأعلى صوت
يهز الأرض و يزلزل الجبال
سيناء يا أرض طاهره
رويتك بدم لون دم الغزال
غالى على أهلى وناسى
لكنه يهون فى ساعة النزال
تعيشى لى يا بلدى
ويدوم الوصال
ويا رب يحميكى
من كيد العُزال
بحبك يا بلدى
يا كل الأمال
وراح يشرق فجرك
مهما ليلك طال
بحبك يا بلدى
ولى عند أولادك سؤال
هنبنى بلدنا إمتى
واحنا حياتنا مريضه بالجدال؟
ساحة النقاش