مجلة عشاق الشعر الإلكترونية. .ممدوح حنفي
عيني ماليها البكا
عيني ماليها البكا
والحزن ماله حدود
الدمع منها نزل
على حزن نغمة عود
على فقيد الوطن
مش بس قنا ابنود
ابنودي لما رحل
حزن في لحنه العود
مين تاني من وسطنا
هيقول كلامه بعود
في كلامه شاعر قوى
عدي لكل حدود
كان قلب طيب قوى
إحساسه ماله حدود
الصبر من ربنا
عمر اللي راح مايعود
رحل بعيد عننا
بس الكلام موجود
لسه أهو في وسطنا
لسه الكلام ينقال
مش ممكن أنسى في يوم
الشعر والموال
لو كل يوم نسمعه
مانمل لو ينقال
بتمنى من ربنا
الرحمة ليك ياخال
الفرقه صعبه ياخال
واعره قوى في بعدها
أتمنى ليك الجنة
وتبقى من أهلها
ساحة النقاش