خالنا مات ... كلمات : عبدالله السعيد

مجلة عشـــاق الشعـــر الإلكترونية (ممدوح حنفي)

خالنا مات اليوم وبُكْرا
الدَفْنَه ف احْضان القَنال
ألْف رَحْمَه ونور عليك
انتا وباقِيِة الناس يا خال
كُنْت تِمْثال المُناضِل
بالقَصيدَه وبالمَقال
ياما غَنُّوا كتير بشِعْرَك
ف الوطن نِسْوَه ورِجال
كُنْت شاعِر فَحْل قادِر 
تِوْصِف الصَعْب المُحال
بالكَلام السَهْل جِدَّاً
يفْهَموه حَتَّى العِيال
عِشْت بينَّا ولِسَّا عايش
رَغْم موتَك فِ الخَيال
صورِة المَصْرِىِ اللِّى فاسُه
معَلِّمَه ف صَخْر الجِبال
صورِة اليامْنَه وحِرِيد
القُطّ والشابّ اللِّىِ قال
للحَبيبَه أحْلَىَ غِنْوَه
يقولها عاشِق ف الجَمَال
نام وشِعْرَك فينا صاحِىِ
لإنُّه نابِع من خَبِيِر
صِدْقُه سابِق وَزْن حَرْفُه
لإنُّه عاصِر ناس كِتييييييير
شاف عُقُول نافعَه لبِلادها
وشاف عُقُول زَىّ الحِمِير
قالوا عَنُّه كتير ولكِنْ
رَغْم ذلك مات كِبِير