مجلة عشـــاق الشعـــر الإلكترونية (ممدوح حنفي)
................ إدينى صوتك ياجدع ..............
عايزك يا مان
صاحى وجدع
رغم المشاكل والوجع
رغم التدهور و الجنان
اللى بيملوا المجتمع
رغم اللى داير من سنين
من ظلم لينا المغلوبين
الشقيانين والمطحونين
اللى تملى بننخَدع
بشعار جميل وكلام كبير
عن غد مُشرق جى بخير
وبلاد هتتحسن قوام
ودا كله علمى وبالدليل
على إيد جناب البيه فلان
أبو سمعة أنصع م الدهب
صاحب كذا وربيب فلان
اللى بنى واللى وهب
هو الأمل راجل تمام
لا ف يوم سرق أو يوم خدع
ماهو كله بيقول دا الكلام
وإدينى صوتك يا جدع
إدينى صوتك يا جدع
# كرم شحات #
ساحة النقاش