مجلة عشـــاق الشعـــر الإلكترونية (ممدوح حنفي)
محمود ناصر
(انتبهوا)
يا دهوتى يا لهوتى
ياخيبه شايله نايبتى
لما يضيع منى الطريق
وتتوه معالم سكتى
يجى عدو مهوش صديق
يسكن معايا ف شقتى
ويحط مغرز للعيال
يعمل حريقه ف حتتى
يا دهوتى يا لهوتى
يا خيبه شايله نايبتى
مين مستفيد
من نار تقيد
تاكل الحديد
خلت سعيد
يضرب فريد
وللا ابراهيم
يخسر وليد
الا عدو ومنيته
يحلب جاموستى ومعزتى
يا دهوتى يا لهوتى
يا خيبه شايله نايبتى
معقوله ياناس
ضاع اﻻحساس
وبقينا خﻻص
بسهوله ننداس
وطينا الراس
وشلنا مداس
وجميع الناس
طمعانه فى مفاتيح شقتى
يادهوتى يا لهوتى
يا خيبه شايله نايبتى
يالهوتى لو مش فاهم
مش ورث فيه راح نتقاسم
وﻻبد نقعد نتفاهم
قبل المصيبه ما تتراكم
على راسنا ووﻻد حتتى
يادهوتى يا لهوتى
ياخيبه شايله نايبتى
--------------------------------------
محمود ناصر
ساحة النقاش