مجلة عشـــاق الشعـــر الإلكترونية (ممدوح حنفي)
يارسول الله تعالى شوف عباد الله بارضه
اللى تارك لصلاته واللى تارك كل فــرضه
واللى تارك لذكاته واللى بايع كل عـرضه
واللى بيتاجر بدينك واللى بيحرق بارضـه
يارسول الله تعالى شوف بلاد المسلمـــــــــين
كل واحد ربي دقنه وكل دقــــن لــــــــــها دين
واللى بيدبح حبايبك ناس تقول الله اكبر ملحدين
ناس تكبر قبل موتنا ويقولولنا يامشـــــــــــركين
ناس بتمدح باليهود وتبايعهم وبتدبح مؤمنــــين
ناس بتدبح فينا علنا ويقولولنا يامفســـــــــدي
يارسول الله تعالى كله يفتى باسم دينـك
والشيوخ بيبعونا ع اللى يدفع باسم دينك
اللى يفتى ان جيشنا كله كافــــــــــــــــر
اما جيش الامريكان واليهود دول ملايكه
اى حد بيحاربهم اويصبهم يبقى ســــــافر
ـــــــــــــــــــــــــــــــــــــــــــــــ
يارسول الله تعالى شوف صبايا المســــــلمين
اللى ماشيه بالفيزون وقاعده تدعى باسم دين
واللى عامله التليفون سر بيتــــــها ومفضوحين
واللى تزنى بالشوارع ويقولولنا جهاد نكاح
وان ده اصله دينا ويضلوا بالعباد بالنــــواح
يارسول الله تعالى شوف شباب المســــلمين
فيه جماعه قاعده تدعى ان احنا ملـــــــحدين
والغريبه العجيبه ببلادنا بالهويه مســـــــلمين
واللى خاين لبلادنا بيقــــــــــولولنا مؤمنــــين
واللى خايف ع البلاد والعباد بيقنعونا مشركين
يعنى اخون الدين بكيفهم يعنى اقتل مسلمين
ــــــــــــــــــــــــــــــــــــــــــــ
يارسول الله تعالى الفلوس ملت البنوك ببلادنا
والربا بقى بالصكوك واقنعونا دى حــــــــــالتنا
والجواعى بالشوارع قاعده تاكل م الزباله
والمساجد بتكبر والصلاه فيها استــحاله
والثراء ببيوت كتير والذكاه فيها محـــــاله
والغلابه زادوا جدا تعبوا جدا م الــــــديابه
اللى ساكن جوه قصره وبيقتل بالغـــلابه
واللى يحكم ببلادى بالاونطه وباستماته
ــــــــــــــــــــــــــــــــــــــــــــ
يارسول الله تعالى اشــــــترونا بالفلوس
بيقولولنا ياعبيد للبيــــــــــــاده . التيوس
بيع لدينك بيع لبلدك تبقى فرد م الجمـــــاعه
كل كلمه يقولها مرشد ع العباد بتكون مطاعه
حتى لو هقتل اخـــويا اما ده او الوضــــــــاعه
لو تعارض يوم بكلمه يبقى عمــرك جه ضياعه
يارسول الله تعالى شوف بيوت المسلمين
اللى سايب اهل بيته ومعاشر رقاصـــــين
واللى بايعه لشرفها وتبيعه لمفســـــدين
والشباب تايه وضايع بالشوارع منتــــــهين
المخدر بجيوبهم بالنوادى مســــــــطولين
لا انت عارف هو مســلم ولاهو بأنهى دين
ـــــــــــــــــــــــــــــــــــــــــــ
يا رسول الله تعالى شوف بلادنا فيها ايه
كل يوم فيه الف فتوى وببلادنا نعمل ايه
انت مسلم انت عربي ممنوعين بدخول بلادنا
غير بفيزا ان كنت مســـــــــلم كفرونا وولادنا
انت غربى يفتحوله الباب ويدخل ويعـــــــاندنا
لآ وكله يروح يصاحبه منلقيش حد يســــاندنا
ببلادنا فيه كفيل اما غربي هو كافل كفــــالتنا
وسفارتنا فاتحه بابها له ترحـــــــــب وتكبر
حتى لو جاسوس هيجى لبلادنا ويدمــــــر
كل باب مفتوحله ديما حتى لو زانى بيسكر
وببلادهم احنا خونه يامسلمين مهــما نكبر
ــــــــــــــــــــــــــــــــــــــــــــ
يارسول الله تعالى اليهود بيحــــــــكمونا
والقرار يخرج ببلادنا مهــــما كان بيلومونا
وجيوشهم ببلادنا غصب ع اللى جـــابونا
قال جاين يحموا بلادنا قال جاين يعلـمونا
ولو نطقت وقلت لآه بيخدعونا السياده بيجلدونا
يارسول الله تعالى زهقونا وجــــــــوعونا
يارسول الله تعالى بهاوتنا بيقتـــــــــلونا
احكى ايه ولا ايه ولا اقول عن مين ومين
يارسول الله تعالى شوف بلاد المسلمين
............................. احمد عامر ......................................
ننوه ان كل ماينشر حق فكرى مسجل بالهيئات المنوطه بذلك
ساحة النقاش