مجلة عشـــاق الشعـــر الإلكترونية (ممدوح حنفي)
ومش راجع
=======
بقلم الشاعر المصرى/احمدابراهيم
====================
ومش راجع حنين حبك
ولا راجع هنا ليكى
ده مصنوع م الحديد قلبك
ومات القلب بأديكى
خناجر عشتها ف حضنك
وشوفت الغدر بعنيكى
انا شارب مرار صبرك
ولا حالم اكون ليكى
انا طالب انا الهجرة
وشايل كل اوراقى
وهبعد عنك اللحظه
هدوس على كل اشواقى
ولو قلبى ف يوم يبكى
عليكى بحرقته شاكى
هعلم قلبى الاسوة
ولا تسوى سنين وياكى
بخريفها وبدمع الطيور باكى
على بستان هنا ميت
وشجرة توت ودبلانه
وساقيه تدور هنا ليكى
بترويكى بتروى الارض
مفروشه لخطاويكى
وعينى سنين هنا بتحلم
واه ده سنينى عطشانه
خلاص الساقيه تعبانه
ولا هتدور
خلاص يا عيون هنتفارق
ولا تسوى هنا نظرة
غرام دبلان
ولون الورد كان باهت
وانا مفارق
خلاص ماليت
خلاص شجر الغرام محروق
وطير مجروح وعن حبك خلاص فارق
لا انا ليكى هكون مكتوب
ولا هرضى اكون عاشق
انا راحل انا ماشى
فى دروب الدموع غارق
لكن رافض اكون ليكى فى يوم
عاشق ولا ليكى هكون عاشق
انا مفارق
=================
بقلم الشاعر المصرى/احمدابراهيم
ساحة النقاش