مجلة عشاق الشعر الإلكترونية. .ممدوح حنفي
ليلة شتا
والبرد بقسوته
كسر ضلوعي
حنيت لحضنك والدفا
وحلمت ياأماه صحيت قوام
في الحلم شوفتك سال دموعي
ماخلاص ياغاليه أنطفت بعدك شموعي
ياللي أنتي حضنك كان
من البرد أدفا مكان
يحميني من برد الشتا وقسوته
ده مهما كان
بعدك خلاص راح الدفا
راح الحنان باقي الجفا
وأنا بين أيديكي
كانت فرحتي ماتتوصف
هحكي وأبكي واعترف
إن الشتا في حضنك دفا
أجمل معاني للوفا
عشق وغرام من غير كسوف
حضنك بيبعد أي خوف
دمعي في بعدك
صار حروف
حروف قصايدي
بقيت حزينه كلها
غير جوه حضنك
الفرحه كنت بحسها
رغم الشتا وقسوته
والبرد بيكسر ضلوع
الموت جه فرق حضننا
ومافيش رجوع
رغم إن حزني عليكي بان
حتى على قلمي
وطال ليلى وذاد آلمي
وحاجات كتير
غيرك ماحد يحسها
حتى في بعادك
جوايا عايشه
حبك في قلبي
مانتها ؛؛؛؛
ساحة النقاش