مجلة عشـــاق الشعـــر الإلكترونية (ممدوح حنفي)
واقف انا عالشباك وبستني
وطول الليل أبص هناك وأتمنى
أشوفك حتى طيف يحضني
ياغاليه ويبعد أي خوف مني
وحشاني يا حته من الجنه
خلاص ياأماه مشيتي خلاص وسيبتيني
وانا واقف ومستني
ماكنتي معاكي خدتيني
خلاص ياأماه أنا موافق
تعالى خديني صالحيني
ولو عايزني انا أجيلك
أنا أجيلك على عيني
ويكون في أيديكي منديلك
تشيلي الدمع من عيني
ماسال الدمع بعديكي
ولو منديلي كان في أيدي
وجف الدم في وريدي
خلاص ياحبيبتي هستني
اكيد حاسني هتجيلي
انا من الحزن بعديكي
بقيت جد لشباب جيلي
تعالى حبيبتي بالفرحه
يا قمره منوره الطرحه
خدي من أيدي منديلي
وشيلي الدمع من عيني
ياخوفي الحلم ده يعدي مايتحقق
وانا عايشه و مستنيه وانا مصدق
ساحة النقاش