مجلة عشـــاق الشعـــر الإلكترونية (ممدوح حنفي)
...نده الهوى .....
نده الهوى فى حينا ياعاشقين
طالب قلوب للسكن يامحرومين
عندى دوا يشفى عليل السهرانين
وقفت بنات الحى كله حيرانين
قالوا حبايبنا راحوا واتغربوا ومش راجعين
تعالى ياهوا ’ بكام تبيع لينا الدوا
دوايا غالى عن الثمن
طالب قلوبكم للسكن
وتكونوا ليا مخلصين
تعالى واسكن قلبنا احنا موافقين
دا الجرح مُر وطعمه علقم
أصله معتق من سنين
رجعوا اللى كانوا فى السفر متغربين
رجعوا اللى قولتوا عليهم راحوا ومش راجعين
قالوا رجعنا لـحينا ولـحُبنا مش ناسيين
ايه ذنبنا نطوى سنين من عمرنا متفرقين
دوقنا عذاب من اجلكم علشان نريح قلبكم
ونعيش معاكم مرتاحين
سكن الهوى قلبكم ياقلوب قاسيين
هــنبنى حي يكون لينا ويكون لولادنا بعدنا
وهـنجيب قلوب تحبنا
هـنجيب قلوب تحس بينا وتخاف علينا وتضمنا
نشرق نغرب تكون معانا جمبنا وتكون لينا
وان جه هواكم حينا مفيش قلوب خالية هنـا
مجدى النويهى
ساحة النقاش