**( جرب** بقلم محمود ناصر**

مجلة عشـــاق الشعـــر الإلكترونية (ممدوح حنفي)

محمود ناصر

"""(((( جرب))))"""

جرب مره تحب ما تكره
حب وباقى مش للذكرى
جرب تفتح قلبك تاااانى
احضن يومك واعشق بكره

""""""""""""""""""""""""""""""""""""
جرب مش راح تخسر حاجه
واللهى دى روحك محتاجه
جرعة حب تداوى جروحك
صنع بﻻدى مش لخواجه

""""""""""""""""""""""""""""""""""""
جرب ترمى الحزن وراك
تنسى اى قلوب بايعاك
اقلب صفحة هم حياتك
افتح صفحه لناس شارياك

""""""""""""""""""""""""""""""""""""
حتﻻقى الدنيا لابسالك
توب الفرح قوام جيالك
واﻻحزان عنك بتهاجر
ملهاش عيشه مع امثالك

""""""""""""""""""""""""""""""""""""
العمر مقضيه متغرب
وحياتك منك تتسرسب
ادخل حضن اخواتك ياللا
افتح قلبك ليهم قرب

""""""""""""""""""""""""""""""""""""
عيش وياهم تلقى حنان
تلقى قلوبهم حصن امان
تلقى الحب تملى معاهم
ساكن بيتهم من ازمان

"""""""""""""""""""""""""""""""""""""
اسمع منى بﻻش تستغرب
عارف ان الحال متكهرب
حضن بﻻدنا يسيع الكل
خد بكﻻمى بس و جرب
جرب
""""""""""""""""""""""""""""""""""""""""""""""""
محمود ناصر