مجلة عشـــاق الشعـــر الإلكترونية (ممدوح حنفي)
محمود ناصر
((( غداره)))
ياللى حيرتى اﻻفئده
غيرتى مسار الاورده
انا قلبى مش حمل عذاب
واحده واحده مش كده
انا شايفك معنى والضد
انا عارفك ما بترحمى حد
دايما تروى قلوب بعذاب
تحبى تشوفى دموع ع الخد
فى وسط النور يهل الليل
فى عز الفرح نﻻقى الويل
بتودى فينا وتجيبى
وزرع الفرح بياخده السيل
قبل ما اشوف الغدر بعينى
ونار العشق اليكى تكوينى
اسمعى منى ايه راح اقولك
خدت قرار ربى يقوينى
راح اقولك مع الف سﻻمه
وحسيبك ما عليا مﻻمه
وارمى عشق عشقته ورايا
وﻻ اسيبشى للحب عﻻمه
اصﻻ عندى معشوقه تانيه
مش باكى عليكى وﻻ ثانيه
آخره حيبقى فيها حساب
ابقى منك انت يادنيا
"""""""""""""""""""""""""""""""""""""""""""""""
محمود ناصر
ساحة النقاش