مجلة عشـــاق الشعـــر الإلكترونية (ممدوح حنفي)
صباح الخير
محمود ناصر
صباح الخير
على بلادى على وﻻدى
على خضره ونيل هادى
صباح الخير
على اﻻدان فى الجامع
على صوت اﻻمام سامع
على يومنا الجديد طالع
صباح الخير
على عيل بيصلى الصبح
واب قام نوى قبله
على فلاح من النجمه
شادد محراته من حبله
على زرعه ف ارضينا
على غيط القمح وسنابله
صباح الخير
على امى بتدعيلى
على بنتى بتشكيلى
على ابنى يوماتى يقوم
ياخد فوطى ومنديلى
على عبده بتاع الفول
قبل الشمس يناديلى
صباح الخير
على صاحبى على جارى
على رمله فى صحارى
على نسمه فى حر الصيف
تهل ف ساعة عصارى
صباح الخير
على بﻻدنا 200 مره
على وﻻدنا تعيش حره
نصبح كلنا عليهم
ويوماتى بنعيد الكره
صباح الخير
ساحة النقاش