==أقولِك إيه ..==كلمات أ / كرم شحات

مجلة عشاق الشعر الإلكترونية. .ممدوح حنفي

أقولِك إيه ..................

أقولك إيه ونا عاجز 

ألآقى كلام يوفْيكى

ويشرح أو يقربلك

شعور قلبى اللى صار ليكى
يا بكره اللى إنتظرته وبان
يعدى الُعمر مش فارق
مدام ياحبيبتى فى الإمكان
يعدى بدون ما نتفارق
أقولك إيه 
إيه ممكن يوفْيكى
ويكفيكى يا أجمل أمر
حصل فى الدنيا 
دى بحالها
يا أكتر حاجةليا تسُر 
حياتى دنيتى قلبى
وغيرك لأ 
مافيش غالى
ما قبلك عشت مستنى
بصبر نفسى على حالى
يا بكره اللى إنتظرته وبان
يعدى العمر مش فارق
مدام يا حبيبتى ف الإمكان 
يعدى بدون ما نتفارق
ياكل الكون أقولك إيه
يا أملى اللى إتولدت أنا بيه
وبكره وكل أيامى
هاعيش أحلم وافكر فيه
يا أندر زهر ف البساتين
يا فرشة ف قلبى أحلى ربيع
يا دايما ساكنة جوى العين
فى حضنك كل هم بضيع
يا بكره اللى إنتظرته وبان
يعدى العمر مش فارق
مدام يا حبيبتى ف الإمكان 

يعدى بدون ما نتفارق