مجلة عشـــاق الشعـــر الإلكترونية (ممدوح حنفي)
إحساس ناقص
لما الكلام تقراه على الورق
وما تسمعوش منى
أصل العيون
بتقول كلام
أسرع من الورق
وحاجات كتير
رايحة منى
طبع الورق
جامد وقلبه شديد
عجيب وعنيد
يعرف يقول
لكن صوته قوى
لما العيون بتتلاقى
يكمل حديث
موجوع
بقاله سنين
ولما تسمع صوتى
يوصلك إحساسى
حتى لو كنت فين
لكن الورق ما تعرف
مين بيقصد مين
على الورق
وشوش كتير
متلخبطة
وسط السطور
بتحكى حاجات
على كل لون
نازلة البحور
وإحساسى
ضايع وسطهم
ولما يناديلك
وتسمع لصوتى
أحاسيس كتير
بتوصلك من غير
كلام
على الورق
كلامنا مدارى
ساكن بعيد
فوق جبل عالى
وإحساسنا مدفون
مهما كتبنا ليالى
كلامنا مسجون
على الورق
مش عارفة
ليه
حلم اتسرق
عايز يبوح
ويقول كلام
غير الكلام
بقلم ابتسام عوض حسن
الشاعرة المجهولة
ساحة النقاش