مجلة عشـــاق الشعـــر الإلكترونية (ممدوح حنفي)
يوم جديد م الألم
بـــقلم ... تامر النقـــــيب
____________
ف يوم جديد وطلعه فجر
بعانى م الفراق والهجر
ودمعى ع الخدود بيزيد
وحاسس بالمرار والقهر
وجسمى منى بات معلول
ماهى راحت حبيبه العمر
صحيح غايبه على عينى
لكن طيفها يراعينى
وبيجينى ف عز النوم يصحينى
واحس بلمسه كفوفها
بتمسح دمعى وجبينى
واحس برضو بانفاسها
وجوة ضلوعها تأويني
واصحى وقلبى انا مشتاق
وبتنهد الم وفراق
واكتب كلمتين اشواق
عشانك ياتمام البدر
اكيد مش قاصده تنسينى
ومش قاصدك تفارقينى
عشان واهبك انا روحى
حياتى وقلبى وسنينى
ما انا عارف مهوش قصدك
وعارف ان انا نبضك
لكني بموت انا ف بُعدك
وخايف يا حبيبتى يوم
يعدى كتير على فراقنا
متفتكريش وتنسينى
وابقى اسم انا انسان
لكن ميت لأخر العمر
انا محتاج سماع صوتك
قتلنى الهجر وسكوتك
ده انا عشقك وانا موتك
بحاول اكون صديق للصبر
جمعت الحزن فى بُعدك
حلفت ما احب يوم بَعدك
واكون مقتول بسهم الجرح
وتعمى عيونى ياعيونى
فى يوم ممكن تشوف زيك
ومين اصلا تكون زيك
ومين تبقى شبه حسنك
ومين تسكن شرايينى
وانا قافل ضلوعى عليكي
ياعمرى وعمر العمر
بدونك قلبى انا ميت
ودنيا والله ما تنعاش
ولا تساوى كمان ضفرك
انا نفسى كمان مسواش
انا تعبان منيش قادر
وصوتى م الوجع متحاش
وجوايا الألم فدادين
وابيار م العذاب والمر
انا نفسى بطلعه فجر
ويوم خالى م الألم ترجع
وتيجى بأيدها تحضنى
تنسينى البكا والدمع
عشان جوايا ميت بركان
وماتت كل شرايينى
وبتمنى أكون بالقبــــــــر
_____________________
تــــــامر النقـــــــــــيب,,, من مؤلفاتى وليس منقولاً
ساحة النقاش