مجلة عشـــاق الشعـــر الإلكترونية (ممدوح حنفي)
جوز اقﻻم
محمود ناصر
انا باكتب بجوز اقﻻم
قلم لبﻻدى ووﻻدى
وقلم للعشق واﻻحﻻم
حرف العشق تاه منى
كﻻم الحب انا نسيته
وقلم العشق خاصمنى
بقالى مده ما بريته
وانا اللى تملى ويايا
خمس امواس وبرايه
بس القلب متكسر
ومتأسر
ومتحسر
على اللى شايفه ورأيته
اخويا مش بيكلمنى
وتاه منى
سكن عمى
وكل الخلق فاتونى
وﻻ حدش يشيل همى
صاحبى وجيلى من جيله
وعشرة عمر من فتره
صوتى راح بناديله
وﻻ يردش وﻻ فكره
كان بيشيلنى واشيله
لكن تفكيرى غير فكره
فى كل مكان وﻻدى تموت
وناس فرحانه وتهلل
وفيه بردو شماته ف موت ؟
وقلب اﻻهل متهلهل
ياقلم العشق ماتخافشى
مسيرها يوم حتتعدل
وتكتب سعدى وهنايا
وحرجع تانى من بكره
احطك جوه برايه
--------------------------------------
محمود ناصر
ساحة النقاش