مجلة عشـــاق الشعـــر الإلكترونية (ممدوح حنفي)
نشفى دمعة عيونك
محمود ناصر
نشفى دمعة عيونك
دمعتك تكوينى كى
نازله بتشق الضلوع
جوه قلبى ساكنه آى
بسألك دوﻻ وﻻدك؟
واللى شفته يبقى خى؟
ميتك دوﻻ وزادك؟
هما ليكى نور وضى؟
هما قالوا لجلك انتى
نطوى كل عداكى طى؟
هما قالوا لجل عرضك
دمنا يرويكى رى؟
واللى يمس طرف توبك
لحم وشه ناكله نى؟
هما دول غنوا وقالوا
زيك انتى مافى زى؟
كلهم قسيوا عليكى
آهى منهم آهى آى
كرروا قصه قديمه
وملحمه مليانه غى
ولد آدم من زماااان
موته وقال آه يا خى
بس شوفى لما اقولك
كل ليل طالعله ضى
ولما تستحكم وضاقت
يبقى بكره السعد جى
اصلبى عودك وقومى
صفحه سوده اطويها طى
ونشفى دمعة عيونك
دمعتك تكوينى كى
نازله بتشق الضلوع
جوه قلبى ساكنه آى
-------------------------------------
محمود ناصر
ساحة النقاش