مجلة عشاق الشعر الإلكترونية. .ممدوح حنفي
شم النسيم اللى فات
احكيلكوا ايه اللى حصل
، مريض غداه مسلوق وعسل
ساب المفيد ،وقال دا عيد
و اكل فسيخ مع فحل بصل
واكل م السردين اربعة
فى وجبة كات فى معمعة
الخلق قاعدة مربعة ،
مشمرة ومن البصل .. مدمعة
قال : اسيب غدا ..بالشكل دا
دا انا ابقى جحش ببردعة
بعد الغدا حلى بخوخة
، واداها كوكاكولا صاروخة
حبس بشاى
،وبعدها حس بدوخة ،
..وحل الليل ...
لقى بطنه عالية ومنفوخة
..والصبح ..نفسه كان مكروش
اهله عليه ما اطمنوش
، ودوه لدكتور الكروش
علق مغذى ، واداه حقن ،
كان حيموت لو مالحقهوش....
وحلف من يومها ماياكلوش
ساحة النقاش