مجلة عشاق الشعر الإلكترونية. .ممدوح حنفي
مش هنكسر
مش هنكسر ولا يوم إرادتي هتتأسر
ولا هطاطي لأي ريح
لو حتي روحي بتحتضر
أنا عمري مربوط بالزمن
أناياما عديت من محن
ياما قالوا إني مت
وحطوا جسمي في الكفن
صلوا علي بالبارود
صلوا بمنتهي البرود
وقالوا وهمه بيضحكوا
محمية كانت بالجنود
وخرجت من جوه التابوت
وندهت قلت بأعلي صوت
يا اولاد بطني إتجمعوا
إقضوا علي فكر الطاغوت
لقيت ولادي الطيبيين
الأشدة المخلصين
جريوا علي وطمنوا
وقالوا احنا مكمليين
متخافيش يا أمنا
احنا فداكي بعمرنا
انتي عمرك ما تموتيش
حاميكي دايما ربنا
مهما يحاولوا يموتوكي ميقدروش
لا بالمدافع ولا السلاح ولا خرطوش
عندك دروع من الرجال مبيخافوش
وهبوا حياتهم وكمان شداد مبيرجموش
اديتلهم تعظيم سلام
وقلت يا أولادي الكرام
داعية ليكوا من كل قلبي
تقدروا تفشوا السلام
ساحة النقاش