مجلة عشـــاق الشعـــر الإلكترونية (ممدوح حنفي)
كل الأصناف هَـتخـُش تابوت ...!
***
من كلمات
**
الطبيب الشاعر المصرى/ د. محمد رزق
*
*
فى جراب الحاوى التعلب فات
والتوتة بترمى بَلـَح أمهات
والكـُل متـَبِّـت ، عايش ، مات
وصراع بين راجل والسِّـتات
والغـُربة بـتِحلـَى لكل الناس
عـُقدِتنا ف تقليد الخواجات ...!
***
فى جراب الغاوى ينام مستور
وبيحلـَم بالصورة ف بَـسبور
يركب طيارة ، يعَـدِّى بحور
ويقول للفقر ف يوم ، ماتغور
ويعَـبِّـى جيوبه دَهب أو ماس
لـَكِن ماتشوفش عيونه النور ...!
***
فى جراب العالِـم ألف كتاب
بـِيدَوَّر فيها عن الأسباب
ويفـَتـِّش حَـتـَّى ف كل سحاب
ويلاقى طريقـُه ضـَباب وسَـراب
بـِيمَـوِّت فيه مَـعنـَى الإحساس
يـِمكِـن يرتاح لو كان كـَدَّاب ...!
***
فى جراب الشاعر لـَحن جميل
مَـفروش فوق ضـَفـِّة نهر النيل
ضِـحكايـَة تـفـَـرَّح قـَلب عَـليل
شـَمعايـَة تـنـَوَّر وسط الليل
نِـجمايـِة حـُب ، قـَمَـر وَنـَّاس
وبيصبـُر مهما يدوق الويـل ...!
***
فى جراب الفاجر مـَكر غـَريب
وعيونـُه تشوفها يبانلك ديب
ويـخـَبـِّى النور جوَّا السراديب
ويخون ويـبـيع ويخوض ويعيب
تـِركيبـَة وفيها الشـَّر أساس
والكل يشوفـُه يقول لـَعـِّيـب ...!
***
والناس بتعيش ف صراع وتموت
تقضى الأيام والعمر يفوت
ظالم ، مظلوم ، فاجر ، هَلفوت
كل الأصناف هتخش تابوت
والرب هيحكم بين الناس
هوَّ الرحمن ، صاحب جبروت ...!
***
ماتشيلش الهم ياعم وفوق
بكرة الأيام تحلا وهتروق
والحلم هييجى معاك بالذوق
والشمس هتملا الدنيا شروق
والأرض هتعشق مليون فاس
وهنحصد م الحب وهندوق ...!
*
الحب والتحية للقلوب الندية
الطبيب الشاعر المصرى/ د.محمد رزق
*
ساحة النقاش