مجلة عشـــاق الشعـــر الإلكترونية (ممدوح حنفي)
¤(أه يا بلد)¤
أه يا بلد أه يا بلد أه يا بلد
على كل طفل رضيع يتيم فيكى أتولد
فيكى اللي أتولد فى حرير وماس
وفيكى اللى معندوش مداس
وفيكى اللى بينشال على الراس
وفيكى اللى تحت الجزم ينداس
فيكى اللى راكب عربيات
واللى تعبان فى الموصلات
فيكى اللى فى فيلاته بسيم
طبعه خاين وغدار ولئيم
فى ناس الفقر مشى ونساهم
وفى ناس الفقر عايش وياهم
عمره فى يوم ما يبعد عنهم
ولو تعبو بيبقى دواهم
فيكى ناس بتبات الليل جعانه
وناس من كتر الفلوس شبعانه
فيكى اللى بيكلو الزلط
وفيكى اللى بيندغو فى لبانه
فيكى اللى بيصرفو ألفات
وبيها بيشرب مخدرات
وفيكى اللى بيشتكو من الامراض
فيكى اللى بياكلو أسماك ولحوم
وفيكى اللى غرقانين فى الهموم
فيكى اللى مش راضين بعيشتهم
وفيكى اللى بيدعو النعمه تدوم
فيكى اللى عندهم عماره وأتنين
وفي اللى بيحلمو بأوضين
وفيكى اللى عايشن فى قصور
وبيباتو الليل فى سرور
وفيكى اللى معندهمش ولا حاجه
وبيحلم يبقى عنده تلاجه
شبابنا ضايع دبلوم صنايع
ملهش شغل فى الشارع صايع
بالذل راضى وبقى شئ عادى
شاربين المر ولا شئ يسر
من كتر الهم بيبيعوا الدم
لا خال نافع ولا حتى عم
ساحة النقاش