مجلة عشـــاق الشعـــر الإلكترونية (ممدوح حنفي)
***الطيبه والحنيه***
كان نفسي في حضن يضمني
أشعر معاه بالأمان
بس إنتِ ليا قسوتِك ضيعت
طعم الحنان
كان نفسي أجري وأستخبي جوه قلبك تحضنيني
كان نفسي كلمه واحده منك لكل همومي تنسيني
بس والله صدقيني إنتِ أكتر واحده كسرتيني
كان نفسي آلاقي حضن أم
يخفف عني أي ألم وأي هم
بس للأسف إتكسرت
كان نفسي ليكِ أكون بفضفض
لكن لوحدي أسهر وأعيط
وبصرخ وصوتي مقدرش يطلع
وجرحك عايش في قلبي يوجع
ياريتك حسيتي بيا يوم
ياما إتحملت عشانك هموم
إنما كَسرِتِك إنتِ ليا بتخليني عايش مهموم
وهقول إيه وأشتكي منك لمين
ومالوش حد قلبي المسكين
مقدرش أقول غير بس يارب
إنت اللي عالم باللي فيا
واللي مسهرني في لياليا
ريحني ولو حتي شويه
تعبوني وكسروني..... الطيبه والحنيه
بقلم أمة الله:غصن الشجن
ساحة النقاش