مجلة عشـــاق الشعـــر الإلكترونية (ممدوح حنفي)
نرجع ونعيد الامانى
فى ابريل من كل عام
يوم ميلادى يا حبيبتى
ترجع للنفس الاغانى
والحكاية والمرام
أرجع واستنى اللى جانى
واللى دايما كان عشانى
واللى بنور قلبه هدانى
واللى فاتنى
واللى ولا بكلمة هدانى
واللى نسانى الغرام
***************
مين حيرجع م اللى راح
مين شجانى ومين كوانى
ومين اللى نسانى الجراح
يا زوايا النفس توبى
عن هوى ماله براح
عن جراح الصمت دارى
وابتدى احكى الحكاوى
صوتى ماينفع يدارى
نبض قلبى كالغناوى
باشتكيلك يا حبيبتى
من حكاية مابتديتشى
يا لبداية تكون مدينتى
تيجى وتداوى الجراح
واشفى قلبى من اللى راح
راح تلاقى فى كل همسة
ألف وردة وغيط مودة
****************
يا حبيبتى ياللى نيلك
لون سمارى
الف حضنة والف بسمة
لضؤ نهارك
أشعار ورباعيات أسامة حسنى
ساحة النقاش