مجلة عشـــاق الشعـــر الإلكترونية (ممدوح حنفي)
عصام غريب
شهادة شهيد
آنا فرحان ودى حكايتى
كتبت زمان ف كراستى
وآنا صغير ف مدرستى
بحيي علمها طول وقتى
ونجحت ورحت كلييتى
وخدت شهادتى من جامعتى
وقولت آنا رايح جيشى
وهقول يامصر لينا تعيشى
يومها منمتش من فرحتى
وجهزت هدومى وشنطتى
وودعت آصحابى وحتتى
قولتلهم آنا رايح جيشى
وياجى ياإما مجيشى
آبويا وآمى قالولى ماشى
قولتلهم آنا رايح جيشى
قالولى آوعى متجيشى
ياآبويا وآمى متخافوشى
مشيت وعلى كتفى شنطتى
وف جيشى كانت قعدتى
وإستلمت لبسى وبدلتى
وكمان سلاحى ومخلتى
وف سينا كانت خدمتى
آحمى حدودها من نقطتى
وف يوم وآنا قاعد ف خدمتى
من ضهرى كانت طعنتى
برصاصه خاينه ف جتتى
وف كيسى كانت حطتى
ولﻷهلى كانت بشرتى
آمى قالت ياآهرتى
ظغرطى ياآما دى فرحتى
ف علمى تبقى لفتى
كآنه بدلة زففتى
ف آلجنه تبقى آخرتى
آنافرحان ودى شهادتى
كتبت زمان ف كراستى
آنا آلشهيد يافرحتى
عصام غريب



ساحة النقاش