مجلة عشـــاق الشعـــر الإلكترونية (ممدوح حنفي)
3 ساعة
لو فيه نيه تكون كريم
............................
يعنى ايه العيد ليا
يعنى ذكرى تلف راسى
منها احاول انى اهرب
ولا حتى التناسى
وبرضو عقلى وفكرى عاصى
ودمعى يهرب من عنينه
مره يقصد يواسينى
ومره يطبطب عليا
فكره يغسلى همومى
او يطفى النار فيا
يعنى نصف الناس حزين.
ونصف اخر
فكره كله فى هم بكره
واللى جاى مع السنين
يعنى ناس جهزه بلحمه
وناس فى زحمة الديون
يعنى ناس ضحكه عريضه
وناس بتغسل حزنها بدمع العيون
يعنى نصف شعب همه
يزيل غمه بقرصه رحمه
لو ياخذها من القبور
يعنى طفل بيبكى بابا
انتظرته على السحور
لما طال الانتظار
فى العدد صبح شهور.
والنهارده تقولى عيد
يعنى ايه العيد يا خلق
وايه اللى طايلاه ايديا
يكفينى عيد اليتيم
وابقى جبلى معاك هديه
لو فيه نيه تكون كريم
بقلم محمد البلاط
ساحة النقاش