مجلة عشـــاق الشعـــر الإلكترونية (ممدوح حنفي)
صابره
صابره وصبرى جويا
وشايفه نفسى فى مرايه
وعقلى يحوم فى مية قصه
والف حكايه وحكايه
واقول هجره ما هيطول
ويرجع ليا كما الاول
واستنظر وبفكر
وابص لنفسى جوايه
واحس بنفسى فى مرايه
واكلمنى واطمنى
راجع لى تانى بهنايه
وصبرى يطول وشطى يثور
على صمتى بموجة فكر
ما يحجزها شعاع من نور
يضىء لقلبى الفكره
هجرنى خلاص ورماني
ولا ناوى يجى بكره
واقول للنفس فى مرايتى
ما انا بكره ويجى بكره
اصبرنى تانى ببكره
وموج الفكر الداخل
على بكره ملوش اخر
وصابره وصبرى جويا
بالف حكايه وحكايه
بقلم محمد البلاط
ساحة النقاش