مجلة عشـــاق الشعـــر الإلكترونية (ممدوح حنفي)
على دروبك
=======
بقلم الشاعر المصرى/احمد ابراهيم
=====================
على دروبك وهبتك
كل شئ ليكى
ولا مليت فى يوم لحظه
وشوفت الدنيا بعنيكى
بفرح عروسه ف زفة
ولا كنت فى يوم فيكى
حبيب عابر فى ليل نزوة
انا حبك فى قلبى كبير
ومن لمسة على توبك
اكيد عارفه
وبيا اكيداكيد حسة
ده انا لسه
هقول من تانى لعنيكى
وههمس ليكى انا همسه
بكلمه حب م الشفه
بحبك كلمه مكتوبه
بشمس الحب تدفه
وبرسم اسمك الغالى
ومن اول بلاد الشام
ويجرى الاسم ع الضفه
انا عشقك ورغم الليل
وبرد الحزن والسقعه
على دوبك انا كلمه
على دوبك انا غنوة
على دوبك انا اقوى
بمد ايايه لايديكى
وبمسح فيكى الدمعه
ولا تبكى فداكى الروح
ده انا شمعه
بتولع ليكى ف الظلمه
بضؤ ولعه
ولو كان الظلام باقى
بصورة الكهف فى الجمعه
انا هقرا
عشان يأجوج ولا
مأجوج لا يوم يطلع
ولا يهتك ف يوم عرضك
عشانك انتى انا واقف
بصلى من زمان فرضك
وبشرب من حنين نهدك
بطيب عطرى من عطرك
على دربك
بعيش بمسح انا جرحك
بعيش بمسح انا جرحك
================
بقلم الشاعر المصرى/احمد ابراهيم
ساحة النقاش