مجلة عشـــاق الشعـــر الإلكترونية (ممدوح حنفي)
_______ خلصت كلامك _________
*************************
خلصت كلامك اديني فرصه
زي حبيبي مانا اديتك
انا عمري يوم ماقسيت عليك
ولا زي ماقلت إني نسيتك
************
أنا لسه قلبي عليك ملهوف
بس انت مش حاسس بيا
ومش بتقدر أي ظروف
يبقى ازاي تلوم عليا
************
الكلام لسه مانتهاش
وكل حاجه برضه واضحه
الغالي عمره مايروح بلاش
ومهما كان روحي مسامحه
*************
وانت الغالي ومن زمان
وانا لو بعدت غصب عني
حد يختار يعيش حيران
انا عن هواك مش مستغني
**************
خلصت كلامك اديني فرصه
زي حبيبي مانا أديتك
انا عمري يوم ماقسيت عليك
ولا زي ماقلت اني نسيتك
**************
كلمات : محمد السعيد
ساحة النقاش