مجلة عشـــاق الشعـــر الإلكترونية (ممدوح حنفي)
دنيا العجب .. تغريدة بقلم الكاتب / أحمد بيومي
دنيا وفيها العجب .. وكل شيء للبيع ..
أجساد وأخلاق وعقول ..
سوق كبير وكل شيء حتى الضمير للبيع ..
ولو قاومت شويه ..
تلاقي شياطين الإنس قبل الجن بيوسوسو لك ..
متعملش فيها جدع وشريف ..
الحق نفسك يا جدع ..
و قبل ما السوق يقول جبرنا يلا الحق بيع ..
دنيا بقت مجرد سوق ما تعرف فيه من أصيل ..
ومين قليل الأصل وضيع ..
لو مكنتش واعي وحريص قوي على نفسك ..
تتسرق في لحظه وعمرك فيها يضيع ..
أخطر ما فيها إن الوشوش بقت عيره وكثيره ..
إشي إسلامي .. وإشي ليبرالي .. وإشي علماني ..
وشوش على كل لون يا وديع ..
عموماً البس الوش إللي تحبه ..
لكن فى كل الأحوال ..
إباك تخسر نفسك أو روحك ..
لإنك لو خسرتهم ..
موش راح تلاقي حد يشتريك ..
ولا حتى راح تساوي حاجه في سوق الشراء والبيع ..
وعجبي .. بقلم الكاتب / أحمد بيومي
ساحة النقاش