مجلة عشـــاق الشعـــر الإلكترونية (ممدوح حنفي)
يا حلم
بقلم محمد البلاط
يا حلم راود افكارى
وعمره فى يوم مانسينى
بشوف فى الكون حمام ابيض
وبيخترف بيه لسانى
حمام طاير بغصن زتون
وبجناحه يلف الكون
سألت امام فى تفسيره
كان الرد بقيت مجنون
لكن تفسيره جوايا
كأنى شايفه فى مرايه
وجايز الامام موهوم
وبيفسر على حاله
شايف الناس تعبانه
وسجن عليه سجانه
ودم على التراب بيعوم
ومنبر اعتلاه امام
بيخلط الفطار بالصوم
ويهتك عرض الحره
ويرفع للنفاق اعلام
جايز الامام موهوم
وبيفسر على حاله
لكن تفسيره جوايا
كأنى شايفه فى مرايه
مسير الحق يظهر يوم
ساحة النقاش