مجلة عشـــاق الشعـــر الإلكترونية (ممدوح حنفي)
_______ عجبك كده _______
***********************
كلامك حاجه وفعلك حاجة تانيه
احترت ياما ليالي معاك
توعدني تكوني جنبي وتسبني في ثانيه
ومايهونش عليا انسى هواك
******
عجبك كده يا حبيبي حالك
شوف ع الحال ده كتير بقالك
وانا اللي عشت ياما جراح
وانت حبيبي مش في بالك
******
لازم نكون واضحين
أحسن ليك و ليا
لا ظلم قلبك في يوم
ولا انت تيجي عليا
******
الحب حلاوته في الكلام
لما يكون صادق جميل
مش أي حاجه والسلام
ده يبقى جرح ومش قليل
*******
قوللي في مرة كنت معاك
بخلف وعدي ومش واضح
طبعا لا ولا عمرها حصلت
مش من طبعي ابقى جارح
*******
واهي كل حاجه وارده
يوم افرح يوم اتحير
واحنا ولاد النهارده
ياريت حبيبي تتغير
*******
عجبك كده يا حبيبي حالك
شوف ع الحال ده كتير بقالك
وانا اللي عشت ياما جراح
وانت حبيبي مش في بالك
*******
كلمات / محمد السعيد
ساحة النقاش