ليه لقلبى بتوعدى...كلمات الشاعر المصري/أحمد إبراهيم

 


مجلة عشاق الشعر الإلكترونية. .ممدوح حنفي

قولتيلى انى الربيع 

موجود هنا

قربت ليكى بتبعدى

قولتيلى بحر الحنان

ماليان هنا

قولتيلى شهدو مايتى

قربت ليكى بشوق

وفرحه ببتدى
اعيش معاكى طول 
سنينى بفرحتى
مديت ايدايه بعدت
ايديكى بتعندى
طب ليه حببتى لقلبى
دايما توعدى
لما الخريف هيكون هنا
والورد دبلان من سنه
والحزن ساكن ع الشجر
من كام سنه
والقلب يصرخ م البكى
لما اللقى مكتوب لغيرى
مش انا
طب ليه حببتى لقلبى
دايما توعدى
وتغيبى عنى وتبعدى
مليون سنه
وسراب هواكى شئ مخيف
ماليان ضنا
واللى مات مش حلمك انتى
اللى مات حلمى انا
واللى ضاع قلبى انا
خلاص معدشى اى
وعد هتوعدى
قلبى اللى مات فى ليل اهات
وكل حلم تضيعى
ارجوكى روحى وابعدى
قولتيلى انى الربيع 
موجود هنا
قربت ليكى بتبعدى
طب عيشى وحدك وفرحى
اكيد هتبكى وتعرفى
لما السنين هتعدى بيكى
لما الدموع تسكن عنيكى
مين كان شريكى مين
ومين راميكى 
مين اللى داق المر
وخاف عليكى
هتعرفى انى انا
واللى مات مش حلمك انتى
اللى مات حلمى انا
واللى ضاع قلبى انا