مجلة عشـــاق الشعـــر الإلكترونية (ممدوح حنفي)
بين الغيطان
بقلم محمد البلاط
بين الغيطان
بين الغيطان نفس المكان
روحى وعقلى والكيان
مستنظره
لو طيف يجيلى او كلام
يحكى ماضينا اللى جرى
وكانت خطوطه مسطره
وعليها منقوش ذكريات
فيها اللى قلبى بيعشقه
وفيها اللى روحى بتذهده
بسبب المرار
بين الغيطان تحت الشجر
نفس المكان مستنظره
لو تفتكر كان على الشجر
فيه الف قلب اترسم
ونقشنا قصة الغرام
سلمى واحمد على الحجر
لو تفتكر
عمى عصى انك تكون ليا القدر
وساعتها حسيت بالمرار
وان قلبى بيه اتغدر
وعصرت زهرة حنظله
على قلبى بعد اللى جرى
ولمونى ساعتها الجيران
حبسونى جوه مندره
حصرونى بين اربع حيطان
ولما انام
طيفك اشوفه يضمنى
واسمع كلام بيردنى
وحبل ماسك معصمى
شبكوه فى مسمار فى الجدار
والعقل تايه بين و بين
اهرب واسلم للقدر
ولا كرامه وانتحر
واخر قرار كان القدر
وهربت جيت و بنتظر
وطال الانتظار تحت الشجر
لو تفتكر
بين الغييطان
ساحة النقاش