مجلة عشـــاق الشعـــر الإلكترونية (ممدوح حنفي)
علم خطين
علم خطين بلون اسود ولون الدم
وخيط فاصل بلون ابيض عليه بنتلم
جايز مكوك الامل ينسج وراه ويضم
يكمل شكل تاريخنا وبيه يهتم
وينطق مره كلمة حق
يقول مين اللى خان وطنه
ومين اللى سفك الدم
ومين مصلحته فوق الخلق
ومين عجن العسل بالسم
يا مكوك كورة السجاده الوان
ونول الحق جاهزلك
ومشدوده عليه خيطان
امانه تكتب القصه
وماتنسى سريخ جران
ابوهم مات طالب حقه
واخوهم فى السجون اتهان
وبنت كلها عفه
يشوفها البدر يتخفى
قليل الاصل خطفها
وسلمها لكلب جبان
حبال بخيه مربوطه
فى سقف عالى فى اوضه
بكلمة حق تنطقها
على الرقاب مشدوده
يا مكوك للعلم انسج
وارسم نسج اخر موضه
علم خطين بلون اسود
ولون الدم على الحيطه
وخيط فاصل بلون ابيض
عليه بنتلم
بقلم محمد البلاط
ساحة النقاش