مجلة عشـــاق الشعـــر الإلكترونية (ممدوح حنفي)
(( إهداء خاص الي حبيبتي وعمري ))
انتي الحيــاه
--------------------
انتي الحياه بكل ما فيهـا
انتي الحياه بكل معانيهـا
لما تقسي علينــا
لما تبكي عينينــا
لما تضم خــوفنـا
وتحضن طموحنا
ساعــة ما نقــول الآه
انتي الحياه انتي الحياه
بنعيـــش بيــها وليــها
ونبوس في العشق ايديها
حضن دافي يغطينا
لحظة اشتياقـنـا ليها
لحظة يفقد الوجد مداه
انتي الحياه انتي الحياه
اللي بيها بنحيا
واللي بيها بنلقي
كل المدن كل الشوارع
كل الحارات
كل البحور والجناين
والحكايات
بتكتب دموعنا
بترسم فرحنا
وتطـرح للحب سمــاه
انتي الحياه انتي الحياه
الـروح منـك ليكـي
والعطف نور حواليكي
بيلملم نجـوم الكــون
يلضمها قلب حنـون
لاجل عينيكي الطيبيــن
لاجل احضانك الدفيانين
لاجل بسمة علي جبينـك
وهمسة نايمة في حنينـك
وعشــق انتي مبتغـــاه
انتي الحياه انتي الحياه
*********
كلمات/ عبد الناصر السمطي
ساحة النقاش