مجلة عشاق الشعر الإلكترونية. .ممدوح حنفي
ياحلم لسه ما أكتمل
عايش عليه بس بأمل
أيديه توصل للسحاب
ويوم أسلم على القمر
انسان مخلوق من تراب
نهاية حياته العدم
لكنى بحمد ربنا هوه الحنون
يعطى الجميع من حساب
هو أحن من البشر
لساك ياحلم ليل طويل
هل ياترى فيه فجر طالع
ولا حتفضل ليل طويل مالهش أخر
وسواده مفرود على البشر
والدمع يسكن العيون
والقلب ترضالو الألم
أه ياحلمى كل قصدى كلمتين
الصبر والأيمان برزقى والمحتمل
وتملى راضى على حكم ربى
وأن مارضيتش حرحل لفين
والسماء فارده وستره الخلايق
وبشوف نجومها هيه الأمل
ده طموح وليه منتهى ومش طمع
مع أن الطمع من طباع البشر
فى حلمى شوفت أيد تعافر
عوزه تحفر ليها بير منه تشرب ترتوى
وأيدين خبيثه تحصد فخير وترمى الأذى
من غير حساب ياله العجب منها
وأيد طبيعتها السلامه تحضن تداوى
وهيه دى اللى نسميها المحبه
أيدين تساعد الفقير مش بالكلام لاء بالعمل
يارب تكتر وتكون سحابه تمطر علينا
تروى زهورنا وبيها تحلى دنيتى وكل البشر
وأخر الحلم السلام يارب ديمو لنا
وكل البلاد تعيش فخير وتنتهى كل الحروب
والكل يصبحلو وطن
ساحة النقاش