** الحـياة بقي لونها غامق** بقلم .حسن الشوان**

مجلة عشـــاق الشعـــر الإلكترونية (ممدوح حنفي)

........................... الحـياة بقي لونها غامق ..................
..............................................................................
الحياه بقي لونها غامـق
والنهار مبقــاش سعيد
والشمس ضوئها مضايق
والقـمر معاها اتخـــــانق
وبقي في السما وحيد
افضل لي انا أعيش في وحدانيه
عن قلوب فقدت معني الأنسانيه
وكل يوم غدرها بيزيد
أهرب واعيش لمماتي
من غير امل ومـواعيد
وأستخبي من حياتي
ورا ضل العناقــــــــيد
وأهيم كمان بأفكاري وانسي الدنيا
لما لقا الروح بتروح في ثانيه
وغدر البشر بالبشر نار بتقيد
واقشعر لما الزرعه تكبر
وسامعها بحـــنيه بتكبر
وبترعرع بخــشوع في كياني
وحسيسها بيشجي وجداني
والعصافير بتصفر علي اغصاني
وطبطب عي كتافي وتقرا عينيا
شايفاني في ضفافي بأحزاني
ودموعي علي كفوفي بتغلي
وشايف فيها خيالي وضلي
ولما صوابعي تحضن ايديا
القا السما تضـــلل عليا
وتتغير ملامح وشي
وأبص معرفشي شكلي
أدور علي نفسي فيا
..................حسن الشوان...29/ديسمبر /2013...موثقة...