==مش بوعدك==بقلم الشاعر : أحمد إبراهيم

مجلة عشاق الشعر الإلكترونية. .ممدوح حنفي

مش بوعدك بقصور

انا مش امير دنيتى

واحد وزى الناس

عايش على لقمتى

ولا امير راح اكون

لكن بعيش ببتدى

زيك وانا مطحون

زيك ودى هدمتى

عايش حلوة روح

يا حببتى دى سكتى
بملك كرمتى وبس
وشهامتى دى عزوتى
ولا كنت طالب ملك
زاهد انا ف دنيتى
وراضى بالمقسوم
عايش على بسمتى
مهما الصعاب بدوم
شادد انا خطوتى
اصلى انا شاطر
برمى الاهات شاطر
بنسى اوام دمعتى
ايوة وده حالى
لو كنتى عايزانى
او حتى راح تعندى
مش فرقه عندى كتير
وحدى اكيد راح اكون
ماشى بضؤ شمعتى
عايش على الاحلام
وبتعلى صوت غنوتى
وبكمل المشوار
وحدى انا ف سكتى
عايش ببسمة وجرح

وهى دى دنيتى