مجلة عشـــاق الشعـــر الإلكترونية (ممدوح حنفي)
بشكيلك يابحر
*********
بشكيلك يابحر همى
اعمل ايه غصب عنى
سافر حبيبى وسابنى
اعمل يابحر جاوبنى
غياب الحبيب قتلنى
وخنجره فى القلب صابنى
*******
امانه يابحر قوللى
انت عارفه طمنى
هو بسفينة ابحر فيك
عامل ايه قوللى الله يخليك
ان كان بخير ادعيله
من كل قلبى بغنيله
********
وان كان بشر متخبيش
قول يابحر متزعلنيش
انا يابحر من غير حبيبى
انت عارف مقدرش اعيش
******
خايف يابحر تقوللى
ولا خايف انى اسيبك
فاكر لما كنت اقولك
زى ماهو حبيبى
انا برضه حبيبك
*******
اغيب يابحر واجيلك
اعمل يابحر بحكيلك
انا على بعاده مااقدر
وحياتك يابحر قوللى
خبرنى ابوس على ايدك
*******
عمر المصرى
ساحة النقاش