مجلة عشـــاق الشعـــر الإلكترونية (ممدوح حنفي)
...... واخد على خاطري ........
*************
واخد على خاطري منك
الجرح دا مش شويه
بقى سهل عندك خلاص
إنك تقسى عليا
كل حاجه انا اتصورها
إلا حبيبي جرحك
روحي العاشقه كده تكسرها
قوللي ازاي أسامحك
******
كنت بقول من قلبي زمان
مفيش أطيب منك
و بعد ما قلبي عليك هان
لازم ابعد عنك
******
سيبني مع نفسي كام يوم
يمكن جرحي يطيب
ويمكن تحس في بعدي عنك
إن ليك حبيب
******
كل حاجه انا اتصورها
إلا حبيبي جرحك
روحي العاشقه كده تكسرها
قوللي إزاي اسامحك
كلمات : محمد السعيد
ساحة النقاش